Օլիմպիական խաղերի ամերիկահայ բժիշկ-մասնակից Հուրի Գեբեշյանն այցելել է Հերացու անվան բժշկական համալսարան

Monday, April 29, 2019

ԵՊԲՀ-ում երկուշաբթին սպորտային էր: Բժշկական համալսարանի հյուրն էր Օլիմպիական խաղերի ամերիկահայ բժիշկ-մասնակից Հուրի Գեբեշյանը, ով Հայաստանը ներկայացրել է ամենաբարձր հարթակներից:

Հանդիպմանը ներկա սովորողների ու բուհի պրոֆեսորադասախոսական կազմի հետ Հուրի Գաբեշյանը կիսվեց առողջ ապրելակերպի իր հարուստ փորձով՝ ընդգծելով, որ Հայաստան գալու առաքելություններից մեկն էլ մարմնամարզության մակարդակը բարձրացնելն է:

Օլիմպիական խաղերի բժիշկ-մասնակիցը հատկապես կանանց խորհուրդ տվեց երբեք թույլ չտալ, որպեսզի ձախորդությունները կարողանան խոչընդոտել հասնելու իրենց երազանքներին:

«Չպետք է ուշադրություն դարձնել այն մարդկանց վրա, ովքեր միշտ կրկնում են, թե չենք կարող հասնել մեր երազանքներին: Առանց ցանկության ու աշխատասիրության ոչնչի էլ չենք հասնի»,-ասաց նա՝ մեկ անգամ ևս կրկնելով, որ անչափ ուրախ է գտնվել Հայաստանում և հատկապես ԵՊԲՀ-ում:

Նշենք, որ մեր հայրենակիցն առաջին և միակ հայ կին օլիմպիական մարմնամարզիկն է, ում անունով «Գեբեշյան» անվանմամբ հայտնի հնարք կա մարմնամարզության մեջ:

Հուրի Գաբեշյանը 2011թ. ավարտել է Այովայի համալսարանը և ստացել մարմնակրթական վերապատրաստման բակալավրի աստիճան։ Վնասվածքի պատճառով չի կարողացել մասնակցել 2012թ. Օլիմպիական խաղերին, թողել է սպորտը և բժիշկ դառնալու մտադրությամբ ընդունվել է Ուեյք Ֆորեսթի բժշկական դպրոցը: Երկու տարի անց՝ ավարտելով, ստացել բժշկի որակավորում և այժմ աշխատում է Օհայոյի Քլիվլենդի հիվանդանոցում։

https://m.shamshyan.com/hy/article/2019/04/29/1123534/

First Name:*
Last Name:*
E-mail:*
Password:*
Confirm password:*

Please enter your email to recover your password
E-mail:*

Login Form

Registration Form

Օլիմպիական խաղերի ամերիկահայ բժիշկ-մասնակից Հուրի Գեբեշյանն այցելել է Հերացու անվան բժշկական համալսարան