Ադրբեջանի վարչապետ Ալի Ասադովը նախորդ շաբաթ Թուրքիայում էր՝ մասնակցելու թուրք-ադրբեջանական տնտեսական հանձնաժողովի նիստին։

Այցի ընթացքում ստորագրվել են 10-ից ավելի համատեղ փաստաղթղթեր տարբեր ոլորտներում համագործակցության հետ կապված, այդ թվում՝փոխադարձ առևտրի ու ներդրումների։

Համաձայնագրերից մեկովէլ նախատեսվում է Թուրքիայից Ադրբեջան բարձր ճշգրտության«օդ-ցամաք» դասի թևավոր հրթիռների արտահանում։

Ադրբեջանական լրատվամիջոցների հաղորդմամբ՝ այս մասին հայտարարել է Թուրքիայի փոխնախագահ Ֆուադ Օքթայը։

Խոսքը SOM ավիացիոն թևավոր հրթիռների մասին է, որոնք մշակվել են թուրքական պետական Roketsan ընկերության ու հետազոտական TÜBİTAK SAGE կենտրոնի կողմից։ Այս հրթիռը Microturbo TRI 40 շարժիչով է, 250 կմ հեռահարություն ունի։

Բազային տարբերակում SOM-ն ունի իներցիոն-արբանյակային ուղղորդման համակարգ և 230կգ-ոց մարտագլխիկ։

SOM-B1 տարբերակը լրացուցիչ հագեցած է ուլտրակարմիր դիտարկման համակարգով։ SOM-B2 հրթիռը նույնական է SOM-B1-ի հետ, սակայն ունի թափանցիկ մարտագլխիկ, ինչի արդյունում հրթիռի ընդհանուր զանգվածը 610-ից դարձել է 660 կգ։

Ադրբեջանի ԶՈՒ-ի հավանական ավիացիոն պլատֆորմը, որից կարող են արձակվել թևավոր SOM հրթիռները, ՄիԳ-29 կործանիչն է, ինչպես նաև Սու-24 ռմբակոծիչը։

Ի դեպ, SOM-B1հրթիռն առաջին անգամ ցուցադրվել է 2018թվականին Բաքվի ռազմական շքերթում։

 https://factor.am/340711.html