Նախագահ Թրամփի հայտարարությունը հնչել է Fox News հեռուստաալիքի հարցազրույցում:

Թրամփի մեկնաբանությունները հնչել են այն բանից հետո, երբ Սպիտակ տան տնտեսական հարցերով խորհրդական Լարի Քուդլոուն ևգանձապետարանի քարտուղար Սթիվեն Մնուչինն ընդգծել են, որ Միացյալ Նահանգներում տնտեսությունը չի կարող կրկին փակվել:

Թրամփը նաև մեկնաբանել է իր ազգային անվտանգության նախկին խորհրդական Ջոն Բոլթոնի հակասական գիրքը՝ ասելով, որ Բոլթոնը խախտել է օրենքը ՝ գրքում ներառելով բարձր դասակարգված գաղտնի նյութեր: ԱՄՆ-ն երեքշաբթի դատի է տվել Բոլթոնին ՝ փորձելով արգելափակել գրքի հրատարակումը ՝ պնդելով, որ դա սպառնում է ազգային անվտանգությանը:

Երկուշաբթի օրը Թրամփը հայտնել էր, որ Բոլթոնը տեղյակ է, որ գիրքը պարունակում է գաղտնի տեղեկատվություն: Գիրքը չի անցել ստուգման հատուկ ընթացակարգ, որով պարտավոր են անցնել նախկին կառավարության պաշտոնյաների ցանկացած հրապարակման ենթակա գրքերը, քանի որ կարող են պարունակել գաղտնի տեղեկություններ: Թրանփը ընդգծել է, որ նա դիտարկում է Բոլթոնի հետ յուրաքանչյուր աշխատանքային զրույց որպես գաղտնի տեղեկություն, ուստի գրքի հրապարակումը անօրինական է:

Անդրադառնալով բողոքի ցույցերին, որոնց նախորդել էր ոստիկանական գործողություններից հետո Ջորջ Ֆլոյդի մահը, Թրամփն ընդգծել է, որ բողոքի ակցիաները մարել են, և դա լավ է, նշել է նախագահը, քանի որ ցուցարարներից շատերը նույնիսկ չգիտեին, թե ինչի համար են բողոքում:

https://www.amerikayidzayn.com/a/5468238.html