ԱՄՆ-ում արձանագրվել Է COVID-19 կորոնավիրուսով վարակման 512 դեպք, 21 մարդ մահացել Է: Այդ մասին հաղորդել Է CNN հեռուստաալիքը՝ վկայակոչելով Հիվանդությունների վերահսկողության եւ կանխարգելման կենտրոնների (CDC) եւ տեղական իշխանությունների հաշվարկները, տեղեկացնում Է «Արմենպրես»-ը:

Այդ թվի մեջ են մտնում կորոնավիրուսով վարակված այն 49 ամերիկացնները, որոնք ԱՄՆ են վերադարձել արտասահմանից: Անմիջականորեն Միացյալ Նահանգների տարածքում հայտնաբերվել Է 442 դեպք 33 նահանգում եւ Կոլումբիայի օկրուգում: 21 հիվանդացածները Grand Princess հանրանավից, որը կարանտինի Է կանգնած Կալիֆոռնիայի մարձակայքում, վիճակագրության մեջ չեն մտնում: Վաշինգտոնի նահանգում արձանագրված են ամենամեծ քանակությամբ վարակվածները. մարտի 8-ի առավոտյան դրությամբ հաղորդվել Էր 115 դեպքի մասին: Դրան հետեւում Է Նյու Յորքի նահանգը՝ 105 դեպք:

Մահերի մեծ մասը՝ 18, արձանագրված Է Վաշինգտոնի նահանգում, երկուսը՝ Ֆլորիդայում եւ մեկը՝ Կալիֆոռնիայում: Վարակի տարածման ֆոնին այս պահին ԱՄՆ-ի արդեն ութ նահանգներում՝ Վաշինգտոն, Կալիֆոռնիա, Նյու Յորք, Ֆլորիդա, Քենտուկի, Մերիլենդ, Յուտա եւ Օրեգոն, արտակարգ դրոություն Է սահմանված, հաղորդել Է «Ինտերֆաքս»-ը:

https://armenpress.am/arm/news/1007784.html